“Təmiz ətraf mühit və yaşıl artım ölkəsi” beynəlxalq devizinə qoşulmaq üçün Azərbaycan Respublikası Prezidenti İlham Əliyevin Sərəncamı ilə qəbul edilmiş 2024-cü ilin “Yaşıl dünya naminə həmrəylik ili” çərçivəsində ARETN Genetik Ehtiyatlar İnstitutunun Saray Dayaq Məntəqəsində 5 aprel tarixində ağacəkmə kampaniyası həyata keçirilib. Zeytun bitkisinin yerli və introduksiya edilmiş 15 sortundan əldə edilən tinglər genofondun kolleksiya bağında daimi yerlərinə əkilib. Hər sortdan 5 ədəd olmaqla ümumilikdə 75 tingin əkini aqrotexniki qaydalara uyğun olaraq həyata keçirilib.